Бизнес-үрдістер түрінде ұсынылатын немесе
ұсынылуы мүмкін ұйым қызметінің сол
бөлігін анықтау

Бақылау және/немесе орындаушылармен сұхбат нәтижелері бойынша үрдістің барысын қалпына келтіру (оның жұмысының логикасы, операциялардың реттілігі және жауаптылар). Қайта құру өзінің таза түрінде үрдісті сипаттаудың бастапқы нұсқасы болмаған кезде, қайта құру-валидация – нақтылауды, тексеруді немесе егжей-тегжейлі сипаттауды қажет ететін қандай да бір сипаттама болған жағдайда жүреді.

Салалық сарапшыларға түсінікті формалды нысанда үрдістің баяндалуы.

Үрдістердің белгілі бір сандық сипаттамаларын өлшеу (метрика), мысалы, тайминг (үрдістің әрбір қадамының орындалу уақыты туралы ақпаратты жинау), регламенттерді бақылау (әр операцияның регламентіне сәйкестігі туралы ақпаратты жинау), кезектіліктерді талдау (үрдістегі тапсырмалардың жинақталу орындары және келесі орындаушының өңдеуді бастауын күту ұзақтығы) және т.б. Деректерді жинау объективті бақылау құралдарымен, орындаушылар жүргізетін өлшемдер және/немесе орындаушылардың сауалнамасы арқылы жүзеге асырылады. Деректерді жинауды бастамас бұрын тапсырыс беруші өлшенетін көрсеткіштердің тізімін және оларды өлшеу әдістемесін бекітуі керек.

Ресімделген үрдістердің сандық параметрлерін есептеу (Ср үрдістің және басқаларының күрделілік коэффициенті). Ресімделген үрдістердегі кемшіліктерді анықтау: қателер, сәйкессіздіктер және сәтсіз фрагменттер. Көрсеткіштер тізімі және оларда қолданылатын параметрлер талдауды бастамас бұрын тапсырыс берушімен келісіледі.